بحبك ..

بحبك .....
بحبك كلمة جوه كتاب
بحبك طفل في الكتاب
بحبك طفل جوه الفصل بتعلم علي تخته
ماسك قلمي وبتعلم اكتب حروفي
اول ماكتب قلمي كتب اسمك
اول ما خط مني الحبر رسم صورتك
اول ما اتعلمت من الكتابه كتبت حرف الباء
ب.. بحبك
بحبك كلمه مكتوبه فاول سطر
بحبك كلمة مرسومه فاخر سطر
وبين الاول والاخر يا روحي كلام
كلام ولا يتقال في الاحلام
بحبك نور لدنيايا بحبك نار تدفيني فبرد شديد
بحبك نسمه تمر علي جبيني تصحيني فحر الصيف
بحبك مطره تروي صحاري فحياتي يا مولاتي
ب .. بحبك
بحبك موجه بتتهادي علي شطي
بحبك مركبي وشطي بحبك نيلي وسنيني
بحبك نجمة فسمايا تنور لي طريق وطريق
بحبك طوق ينجيني من بحري وكنت غريق
بحبك صوره.. واسطوره ..وحلم جميل
حلم ما يعرف يا املي لا نوم ولا لليل
حلم بعيشه وعيشتك معايا فيه
حلو لا هصحي ولا اصحيكي منه فيوم
حلم ما يعرف غير الضحكه ولا يعرف طريق اللوم
حلم رسمته بايديا وبايديكي وبناديكي
حلم جميل لجنينه وانتي حوريتها
فيها جداول ميه ...بحور حنيه مع طيبه
يا بعيده علي قلبي ومني قريبه
بتجري مني يا حبيبتي مجري الدم
انا مهتم ...
اعوم فبحورك ...احطم اسورك
اكون غازي لحصونك .. اكون محتل لعيونك
اكون حاكم علي قلبك .. اكون ملك علي حبك
اكون يا قلبي مجنونك
وامشي فالدنيا انا هايم
منيش فاهم .....
منيش عارف ....
منيش شايف .... من الدنيا الاكي
يا ملاكي
جاوبيني ............ تحبيني

توقيع

قل لمن يحمل هما ان همك لن يدوم مثلما تفني السعاده هكذا تفني الهموم احمد $ علي $ محمد