طبعا الكل بيجهز للعيد كعك وبسكوت والذى منه
النهاردة عمللكم الكعك
يلا نبدا بسم الله
كيلو دقيق
نص كيلو سمنة
معلقة خميرة
ذرة ملح
شوية سمسم
رائحة الكعك (اختيارى)
محلب (اختيارى)
كوب مية تقريبا (ممكن ازود)
نحضر الدقيق والسمسم
نقدح السمنة على النار
اول ما السمنة تقدح نصبها فوق الدقيق والسمسم بسرعة
ونقلب بمعلقة خشب او اى كبشه
نستنه لحد ما تهدى ويبرد شوية
ونبسها باليد بس
نحط الخميرة ورائحة الكعك والمحلب
ونعجن بالمية
نعجن بخفة باليد بالفرك مش نعجن جامد عشان ما يبقش زاى العيش ويبقى ناعم
فى ناس بتعجن بالحليب
بس انا بفضل المية لانه الحليب بنشف الكعك
نشكل العجينة وتحشيها بالحشوة اللى عايزها
انا عملت عجمية لانه بحبها وبطلع طعم الكعك حكاية
وننقشها بالمنقاش
ونرصهم فى صاج او صنية
هيكونو خمرة واحنا بشكلها وننقشها وخدو وقت كفاية
نخبزهم بالفرن
ودا شكلهم
وهنا لما حطيت عليه السكر يا حلو يا سكر
يارب يعجبكم
وكل سنة وانتو طيبين يا احلى فتكات فى الدنيا
عيد مبارك عليكم جميعا
ليست هناك تعليقات:
إرسال تعليق