الاثنين، مايو 10، 2010

التطور الطبيعى للحاجه الصاقعه


راجل وست
بيحبوا بعضأنت ليه مش بتمسك إيدي وإحنا ماشيين في الشارع؟

لأ بلاش...افرضي حد من قرايبك شافنا؟ والا حد من أصحاب أخوكي في الكلية؟

إنشاء الله يا حبيبتي بكره نتخطب وامسك إيديكي قدام الدنيا كلها
مخطوبين
أنت ليه مش بتمسك إيدي وإحنا ماشيين في الشارع؟

علشان مش عاوز حد يفتكر إننا علشان اتخطبنا هنصيع بقى ونعيش حياتنا...

وبعدين بصراحة كده أنا مستحرم...

إن شاء الله بكره نتجوز وامسك إيدك وإنتي مراتي حبيبتي في الحلال
متجوزين

أنت ليه مش بتمسك إيدي وإحنا ماشيين في الشارع؟

يا حبيبتي إحنا مش مراهقين بقى هنمسك إيد بعض في الشارع وكده....

إحنا اتنين متجوزين ومحترمين وعندنا بيت نعمل فيه اللي عاوزين نعمله
بعد وجود الاطفال

أنت ليه مش بتمسك إيدي وإحنا ماشيين في الشارع؟

يعني امسك إيدك والا امسك إيد البنت والا اشيل الأكياس دي كلها؟

بعد 25 سنه
أنت ليه مش بتمسك إيدي وإحنا ماشيين في الشارع؟

إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟
بعد 50 سنه

أنت ليه مش بتمسك إيدي وإحنا ماشيين في الشارع؟

يعني امسك ايدك واسيب العكاز علشان اقع مانا عارف عايزة تخلصي 
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)

مقالات عشوائيه